張栢芝和謝霆鋒積極追女，有傳栢芝成功懷孕但小產，昨日兩人在中環拍拖談心，花了1,000元購買關注乳癌Tee及手鏈扣。栢芝表示為愛兒搶購有機奶粉，其經理人也透露栢芝正準備再生小朋友。
謝霆鋒和張栢芝一直想為兒子Lucas添個妹妹，積極造人，早前有雜誌指她已懷上第二胎，其後不幸小產。昨日下午5時，謝霆鋒和張栢芝兩夫妻忽然在中環ifc出現，兩人一身黑衫，霆鋒架上墨鏡，而被指曾經小產的栢芝，則身形纖瘦，精神頗好，面容飽滿，絕不似受到小產的大打擊。
買慈善Tee籌款
霆鋒和栢芝進入時裝店JuicyCouture，店內即將舉行「關注乳癌2008粉紅革命」慈善酒會，兩人在場內巡了一圈，栢芝發揮其shopping精神，火速幫襯買了一件700元的慈善Tee和300元慈善手鏈扣。
栢芝和霆鋒之後去了店舖旁邊的isola餐廳，坐在面對維港風景的位置拍拖談心，兩人之後行後門離開繼續shopping。約晚上8時多，他們在四季酒店上車，霆鋒拿着一袋二袋戰利品，收穫豐富，栢芝說：「因為老公比較忙，我好得閒，咁啱佢放假，所以一齊行吓。」問她買了甚麼？她說：「買啲organic（有機）奶粉，𠵱家啲奶粉咁都有啲驚，去搶購啲奶粉同BB用品。」問到有傳她小產，霆鋒即時挺身護妻搶答：「如果你哋再問呢啲嘢，就請你哋食奶粉。」之後兩人返回舊居愛都大廈。
睇劇本準備復出
記者其後致電栢芝的經理人Emily，她說：「栢芝𠵱家都不斷睇緊劇本，但未有適合嘅，不過栢芝𠵱家都準備再生小朋友。」
採訪：張俊銘
攝影：陳順禎、娛樂突發組