女子組合S.H.E日前邀請名模林志玲到電台做訪問，佢哋大讚林志玲靚女，為咗熱烈歡迎呢位貴賓，佢哋竟然企喺𨋢口迎接佢兼唱歌歡迎，搞到林志玲鬼咁尷尬。佢哋傾偈期間，Ella扮出一副冧樣話：「我快被她（林志玲）電死了！」S.H.E中被認為最有女人味嘅Selina都甘拜下風話：「在她旁邊顯得我好man。」小瑪歌覺得S.H.E好似擦鞋咗啲啫！