黃曉明最近花百萬元領養咗一對龍鳳胎熊貓，原來熊貓嘅媽媽喺四川大地震家園盡毀，俾人救出後送到四川雅安大熊貓保護基地之後，先至生咗呢對BB。黃曉明獲委任做熊貓研究中心嘅愛心公益大使，早排佢去雅安拍宣傳片，同熊貓近距離接觸，又學習點樣照顧佢哋。啲熊貓咁得意，連黃曉明見到都忍唔住大叫：「很可愛！」