王喜昨日凌晨在尖沙嘴拍攝無綫劇集《烈火雄心III》的一場企圖跳樓戲，劇情講述他遇到不如意的事，幻想自己跳樓，這場戲通宵拍攝，好友Kawaii知道王喜有畏高，特別到場送上由武當山求來的護身符保平安。
怕大風吹落街
現場安排了一部吊臂車升高約120呎封街拍攝，而王喜則要危站於樓高15層，僅5吋闊的天台邊，昨日凌晨清凉又大風，王喜不時擤鼻涕，他說：「拍呢場戲，我心情好興奮，不斷流手汗，大家都問王心慰（《烈火雄心III》監製）點解拍埋啲咁辣嘅戲。我拍完落返嚟都腳軟，怕吹咗落街，遲啲仲要補拍一場真跳嘅戲。」王喜為防弄濕Kawaii送的護身符，先放進密實袋才貼在胸口，他又說：「呢個朋友真係唔話得，識得過。」
採訪：駱華齡
攝影：葉君海