全球金融海嘯，但喺啱啱過去嘅十‧一黃金周，旅遊業就執番身彩，因為之前佢哋對國慶內地訪客人數睇得好淡，點知9月29日至10月5日嘅內地假期，共有37,030內地團友到港，比舊年多22%。旅遊業議會總幹事董耀中話，唔少同胞喺4號星期六先到，而且之前嘅預測係參考內地隨團到港簽證數字，但結果好多自由行覺得報團抵啲所以隨團嚟，人數比預期多。
內地客𠵱家醒咗，好少再貪平參加零團費，今年內地團有15.2%係純觀光團，完全唔帶客去買嘢但團費貴啲，往日只佔7%、8%咋。但旅客多番少少，八方就聽聞有業界想取消旅客6個月退貨保證。好心啦，今時今日個市咁，服務質素下降想趕客咩？