金融海嘯席捲全球，全球各國政府出現恐慌性救市，但效果未現，已先刺激投資者嘅神經，環球主要股市皆出現恐慌性拋售，前晚花旗股市勁插，道指最多唔見800點，好得人驚，雖然尾市跌幅收復近半失地，但仍跌369點。昨日亞洲股市承接歐美股市跌勢，開市初段普遍大跌，不過低位多有承接，個別更扭轉跌勢，但全球主要股市估計仍是反覆向下居多。
期油跌到落88美元，短線睇怕要試80美元或更低，油股都係避開吓好啲。
中電C輪13685：中電（002）周一收63.60元，逆市升1.35巴仙，上破64.50元睇68元，可以吼位買啲C輪13685短炒，隻輪現價72仙，有效槓桿4.8倍，正股升上68元，13685可見98仙，正股跌穿61元就沽咗隻輪止蝕。
俊樺