佘詩曼昨日與黃子華及李綺虹在新蒲崗首日拍攝無綫劇集《企業醫生》，談到有報道指佘詩曼的前男友陳浩民在澳門登台時，在台上暗示與阿佘屬過去式，而且又表示與鄭嘉穎是好友，擺明寸二人緋聞，阿佘即面無表情說：「冇回應，所有同部劇冇關嘅事都冇回應。」
談到拍劇，阿佘的心情即明顯好轉：「我休息咗3個月，都係第一日開工，前一晚我仲諗住早啲上床休息，點知最後都係瞓唔着。我都知黃子華出咗名轉數快，所以我要打醒12分精神。」因為每天都開工，黃子華未有探望吳鎮宇的初生兒子。
緋聞無助收視
此外，阿佘與鄭嘉穎近日緋聞雖然鬧得熱烘烘，但對鄭嘉穎主演的無綫新劇《與敵同行》收視未有幫助，連帶阿佘兩位前緋聞男友陳浩民和吳卓羲主演的劇集，上周收視亦全線下跌，《與》劇上周下跌一點，平均收視僅得27點（約169萬觀眾），陳浩民主演的《搜神傳》和吳卓羲主演的《少年四大名捕》亦齊齊下跌兩點，平均收視只有25點（約157萬觀眾）和28點（約176萬觀眾）。
採訪：何慧斯
攝影：葉君海