仁愛堂昨日在尖沙嘴香格里拉酒店舉行記者會，將於《仁愛堂邁向光輝新里程》節目中表演的歌手包括許志安、古巨基、吳浩康、麥浚龍、薛凱琪和關楚耀等出席。薛凱琪最近忙於練習泰拳，她說：「為咗個舞台劇，最近開始學泰拳練氣，真係好有效，舞台劇亦好快開始排練，今次好多謝公司，推咗幾部電影，唔賺錢嘢都畀我做，真係好開心。」
安仔兄弟情告急
許志安亂爆蘇永康在東亞銀行提取全部身家，安仔說：「我同佢講咗九十幾次對唔住，係我聽錯，呢件事令到我哋出現尷尬場面，呢次亦係我倆兄弟情嘅考驗。」另外，麥浚龍（Juno）表示有聽聞緋聞女友鍾欣桐拜會白龍王一事，他說：「我都係聽人講，我哋係一直有聯絡，但我哋冇傾呢啲嘢，唔傾事業，唔會問佢喺邊，做乜嘢，少講工作，多數傾閒偈。」
採訪：楊潔雯
攝影：仇志德
