佘詩曼噚日接受商台嘅錄音訪問，剛剛放完三個月長假嘅阿佘，先後去咗夏威夷同泰國旅行，仲接拍咗三個廣告，問佢怕唔怕要交過百萬稅，佢話：「今年大鑊，應該走唔甩，應該多過上次，畀稅真係好肉痛。」問阿佘有冇捧兩位緋聞男友吳卓羲同鄭嘉穎嘅劇集時，佢話兩齣都冇睇，但佢睇好米雪攞視后，至於視帝心水就係郭晉安同夏雨。