花旗政府嘅救市方案終於過關，但花旗股市都係要跌，上周五公佈嘅經濟數據好差，失業率已經超過6巴仙，失業大軍仍會繼續增加，樓市同消費市道都唔睇好。
花旗股市下跌，歐洲嗰邊嘅銀行都唔係好掂，今日港股早段多數偏軟，希望內地股市放完長假後造好，咁樣港股喺低位會有較大支持。
中鐵C輪9597：中鐵（390）上周五報收5.83元，升近7%，該股近日走勢非常強勁，將挑戰6元關，破位睇6.50元。呢兩日股價或者有些少回吐，可以候低買啲C輪9597。
隻輪現價3.8仙，槓桿率15.3倍，有效槓桿5.2倍，正股升上6.50元，9597可見6.5仙，正股跌穿5.60元就沽咗隻輪止蝕。
俊樺