施念慈（Celia）與陳鴻業這對離婚「寃家」前晚各自帶準另一半現身洲際酒店，出席東華三院與蘇富比合辦的慈善晚宴，更由熊黛林、曹敏莉及陳敏之等行珠寶騷，當中曹敏莉（Mandy）佩戴了估價總值達一億的黃鑽首飾，貴絕全場，力壓熊黛林，姚書軼等專業模特兒的風頭，她笑說：「咁大個女第一次戴咁貴嘅首飾。」問到她若有一億元會買珠寶還是豪宅，她說：「珠寶好貴，好似女人一樣，唔係一定要擁有，係用嚟欣賞，自己有錢都做善事，珠寶係收藏，多過投資。」
施念慈撞正前夫
施念慈是夜拖實比她年輕10年的空中少爺男友Alex到場，二人首度與陳鴻業及鄭詩韻同場，不過兩pair人全場保持距離零交流。問到Celia的婚禮進度，她說：「未傾，應該出年年中，自己喜歡冬天，我好大汗，腋下會出晒汗。」對於前夫陳鴻業12月再婚，問她會否有意跟他鬥快，她說：「完全唔關事，先又唔會叻啲，最緊要男友開心，勤力做嘢搵錢。」之前陳鴻業透露擺酒不會請她，問Celia是否一樣，她說：「朋友未必個個請，會請啲close啲嘅朋友。」另一邊廂的鄭詩韻則說：「日子仍然等緊酒店同教堂同一日，所以未定實。」當記者告知施念慈與男友也在場，二人表現尷尬，匆匆進場。
採訪：羅慧敏 攝影：陳順禎
