新一屆立法會後日開鑼，環保觸覺就發現民建聯唔止成為議會內第一大黨，仲做埋新一代富貴黨，出晒名富貴逼人嘅自由黨反而突然慳家。
環保觸覺早排收集各參選人寄畀選民嘅宣傳郵件，發現民記所有候選人嘅單張唔止放入信封，仲貼埋膠紙，一戶有幾多選民就寄幾多份。每封郵件都包裝得咁精美，一睇就知有幾富貴啦！其中尤以王國興最唔環保，份單張重32克，成張海報咁大。
田少同周梁等自由黨候選人就反而勁慳家，一來每戶只寄一封，二來如果選民提供電郵地址，就醫貓份單張比佢哋，夠晒環保。民主黨嘅鄭家富甚至連單張都唔寄㖭。環保觸覺就話，佢哋咁樣做最環保，抵讚！