邱淑貞同老公沈嘉偉前晚11點半,撇低兩個寶貝女,同埋叔仔一家三口加個余文樂,一齊去上環尚興嘆潮州菜,樂仔呢期黐實沈嘉偉,鬼咁老友,煙精樂仔一出到門口就急不及待吞雲吐霧一番,而佢哋嘅三架靚車就排排泊喺門口,樂仔拖住沈嘉偉細佬個仔搭咗佢部保母車走咗,而邱淑貞就同老公坐架平治跑車走人。