吳尊昨日於尖沙嘴西武百貨宣傳新片《武俠梁祝》，展出部份戲服，雖然昨午天氣不穩定，但仍有逾百fans冒雨支持。女主角蔡卓妍（阿Sa）因工作缺席，結果吳尊為貼上阿Sa樣貌的人形公仔披上嫁衣和戴鳳冠。
月中返汶萊
吳尊說：「第一次幫公仔着衫，以前都未試過幫女仔着衫，淨係試過幫女仔披外套。」問到周五（10日）生日如何度過時，他說：「到時喺杭州開演唱會，返唔到汶萊，但係都好開心，因為周圍去可以同fans見面。」
已數月未有回家的吳尊又提到，本月16日《武俠梁祝》將於汶萊舉行首映，記者表示今次可算衣錦還鄉時，他說：「真係幾開心，有啲成就感，全家人都一定會支持我，家姐嘅小朋友平時睇電視見到我都會大叫Uncle，不過今次拍古裝驚佢哋會唔認得我。」
採訪：藍文浩
攝影：陳志嵐