近日「蛇精」傳出介入「旗妹」同「歌詠」之間嘅戀情，搞到佢哋分手收場，雖然蛇精同歌詠都唔認撻着，不過佢就以一副勝利者姿態出現，令唔少人都睇唔過眼。
其實蛇精一出道已經俾人話佢成日嗲聲嗲氣，又專向男演員放生電，關仁最近同唔少圈中人傾開，佢哋爆蛇精有個特殊癖好，就係專門吼有另一半嘅男人出招，鍾意介入人哋感情做第三者，好似起初同「至冧」拍劇，嗰時至冧已同「醜女」拍拖好耐，好彩至冧把持得住先冇出事；跟住又有「唱K」同最新嘅歌詠咁，都係俾蛇精搞到情變收場。如果蛇精前男友「馬騮精」真係想同番佢一齊，只要快啲搵個女朋友，咁蛇精就會出動撬佢返嚟。
Textby關仁