樂基兒（Gaile）早前與友人到南美遊歷了三星期，日前才歸來投入工作，昨日便以護膚品牌Neutrogena代言人身份現身九龍灣德福商場。問到她到南美亞馬遜的趣事，Gaile笑言：「今次去呢個地方來回搭咗八程飛機，由香港到阿姆斯特丹，再去秘魯，再轉小型飛機，到咗亞馬遜，係360度咁享受大自然，行山吸收新鮮空氣，睇河流，森林，蛇同馬騮，釣食人䱽，仲影咗好多相做documentary同筆記。」
閃電劈中飛機
Gaile表示此次行程最難忘的事，並非途中所見所聞，而是回程時的驚險過程，她說：「坐飛機返港途中，架飛機俾雷劈中，嗰刻好驚，有一道好閃嘅光，之後過咗15分鐘機長先交代件事，可以算係一世難忘，我嗰刻冇諗過死亡，只係默默祈禱。」問到Gaile那刻想起誰，她表示：「屋企人，同埋Leon（黎明）。」問到早前有傳男友黎明辦的音樂會銷情不佳，她表示：「唔知，不過應該唔係真。」
採訪：JessicaNgan
攝影：ChanChiLam