每到10月、11月，娛樂圈嘅話題總離唔開三色台搞嘅頒獎禮，唔好以為只得班小生花旦爭獎爭崩頭，其實班老戲骨要爭要發功嗰陣，分分鐘厲害過班後生。關仁知道兩位女前輩「擒青」同「姣姨」都好想今年攞吓獎，所以一早同三色台班高層老友打晒招呼，講到明自己好恨攞獎，叫佢哋幫幫手。尤其係姣姨自覺今年表現唔錯，有機會同死敵「思肥姐」爭視后，只係爭咗啲noise啫，所以搵班粉絲幫佢喺網上討論區講番啲好說話，等人注意下。
另一方面，姣姨仲成日搵高層老友「假姐」傾偈，希望佢無論如何都谷到自己去到頭五位，就算攞唔到獎都攞吓彩喎。
Textby關仁