中共十七屆三中全會將於10月9日至12日在北京召開，市場期待會議有利好消息出台。踏入10月之後，市場傳得最多係內地將宣佈減息救市，仲話可能一減就係54點子，以反映救市決心。
減息傳聞帶動近期內房股由低位大幅反彈，但減息太多，通脹又點搞？樓價泡沫又會否因減息而吹番大？有這種考慮，真令人懷疑大陸會否大刀闊斧減息。
農業股吼一拖
反而扶農卻係長遠國策，幾乎每次黨國會議主題都有涉及，今次應該唔會例外。望過幾隻相關農業股，其中第一拖拉機（038）走勢最靚，如股價再發力，應有機升見1.90元水平。
兩隻化肥股海油化學（3983）及中化肥（297）表現相當反覆，兩者股價上周五分別跌10.3%及跌7.3%，未知是否受美國化肥股近日被拋售有關，若然係，短期炒農業股亦要小心揀，避開化肥股。
方星俠