畢傑最近喺澳洲做完兄弟返嚟，返到香港又有兩位朋友做咗老襯，但我因工作關係未能出席佢哋嘅婚禮，喺度要同歐陽、嘔仔講聲唔好意思。啱啱又收到一位舊同事嘅電話搵我做兄弟，呢期咁旺結婚嘅？唔知到我做主角嗰日，又有幾多兄弟蒲頭呢？
我去完旅行，輪到老竇同媽子佢哋趁住黃金周，走去上海行番轉；真係戥好耐冇出過埠嘅媽子高興，今晚一於同肥仔等佢哋返嚟。講開老竇，肥仔話我越嚟越似佢，個樣、把聲、性格似到十足十喎。〈畢賭翁〉5連勝，我又可以囂吓咁同戰友講「唯我獨尊」，今期要「黃色潛艇」維拉利爾。
主客和：維拉利爾勝
心得：貝廸斯冇晒前鋒
近5場往績：WWWWW
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。