陳慧琳的父親陳崇偉和胞弟陳司翰前晚在婚宴後，約11時步出會場，二人均面紅紅帶醉意，情緒高漲的陳父不時在鏡頭前高舉V字手勢，談到嫁女心情，他說：「梗係開心，不過有啲唔捨得，場裏面個個都喊，我同Kelly都攬住齊齊喊。記得以前送Kelly去紐約讀書，佢同我講：『爹哋，我好錫你嘅。』今晚我想同番佢講：『我都好錫你。』」
司翰爆父母狂哭
陳父又表示非常滿意女婿劉建浩，他說：「佢100分，好感激佢追咗我個女16年，4年前已經買定求婚戒指，做咗好多嘢。」他又直言恨抱孫，說：「好恨，最好快啲生對天王天后。」問他是否飲到很high？他說：「飲咗少少。」身旁的陳司翰卻踢爆說：「佢飲咗好多就真。」對男家送的禮金可滿意？陳父說：「滿意。」到底在婚宴上喊了多少次？陳司翰說：「爹哋喊咗幾次，媽咪都係。」
陳父接受訪問後便聯同親家往送客，其後再到Kelly新房耍樂，至昨日凌晨約1時半才離開，當時他的臉已喝至紅卜卜，需友人一左一右攙扶，陳父說：「佢哋仲玩緊，好開心，大家未飲醉。啲人唱Kelly啲歌，我自己走先，留番一班後生玩。」
陳父高調滿場飛，相對陳母曹子佳卻十分低調，Kelly的父母早年已離婚，陳母婚宴期間全經特別通道出入避傳媒，只有在送客時與親家並排站着，保安人員發現記者偷拍時，更立即上前阻擋。