【本報訊】蒂森克虜伯電梯（香港）有限公司約80名保養維修技工昨發起罷工，抗議公司凍薪多年，又將兩人負責的維修工作改為一人應付，漠視技工安全，並擬更改編更制及將通宵更外判，令一向靠開通宵更賺額外薪金的技工，加班機會大減，變相減薪兩至三成。
資方指雙糧「冇得傾」
該電梯公司近九成維修技工昨晨到紅磡的公司總部樓下，要求加底薪10%、增聘人手回復兩人工作、恢復雙糧及擱置兩更改為三更的新制。罷工期間該公司負責的警察總部及屋邨電梯維修工作均受影響。
底薪8,300元的技工莫先生說：「由於底薪低，𠵱家好多工友一個月有七、八日，都係做完日更，即接住當值15個鐘夜更，到第日朝早八點半，又再開工做日更，直踩33個鐘，咁計埋底薪先有12,000蚊，仲要我哋一個人整𨋢？萬一喺𨋢槽觸電、暈倒，死咗都冇人知！但新制後加班最多只可做到夜晚12點半，冇通宵更做，想搏都冇機會。」他指新制後工時被迫減少，薪金亦會跌近3,000元。
勞資雙方在街工及勞工處人員協助下開會，資方承諾今年內回復兩人工作，但雙糧「冇得傾」，而雙方同意明年1月起加底薪5%。不過，新編更制討論將擱置，技工今日恢復上班。