日本漫畫《20世紀少年》嘅真人電影版喺戲院做緊，加上吾中推介，於是近排追睇番套漫畫。細個嗰陣睇唔少日本漫畫，印象最深係安達充嘅《Touch》；事關有個同學仔有齊呢套漫畫嘅動畫版原聲CD，我仲麻煩佢幫我錄㖭！
至於大師級漫畫家池上遼一嘅作品，當然有睇過，佢嘅代表作《淚眼煞星》相當經典，但就好暴力好鹹濕；而我真係好唔明，點解男女主角龍太陽同虎清蘭同人打嗰陣，通常都要剝衫剝褲，唔通咁會勁啲？
講開日本，廣島三箭雖則攞咗日聯席位同日乙冠軍，但仲係咁勁，周六迎湘南比馬可繼續贏。
主客和：廣島三箭勝
心得：三箭勁到勒唔住
近5場往績：WLLWL
青蛙仔
睇德國波同埋英國波大，大個之後攻埋日本波，兼且對日本藝能界幾有研究。