曾經在節目中除褲露股的陳奕迅（Eason），前晚和一向言行大膽的張震嶽同台演出。張震嶽繼續壞孩子本色大唱粗口歌，Eason則表現亢奮，表演勁舞及蜈蚣彈。Eason演出後更落台欣賞張震嶽和楊乃文的演出，手舞足蹈，儼如fans一樣。
陳奕迅和台灣歌手張震嶽及楊乃文，前晚在亞洲國際博覽館一同演出「SamsungImagineLiveIsLife」音樂會，全場爆滿，不少Eason好友如楊千嬅、何超儀及丈夫陳子聰、鍾鎮濤及范姜、葛民輝和HotCha的Crystal現身捧場。
扮MJ勁歌熱舞
Eason打頭陣演出，表現亢奮，大跳勁舞之餘，又表演蜈蚣彈和米高積遜（MichaelJackson）的拿手好戲MoonWalk，他大叫：「大家食嘢飲嘢，唔係冇氣力。」
Eason又彈結他自彈自唱《真相》，他笑說：「我玩吓咋，得個嘈字。」接着張震嶽一身紅衣出場，和Eason合唱《勇氣》。Eason演出後即下台和好友何超儀及陳子聰等一同看騷，還手舞足蹈，表現甚high。之後張震嶽唱《馬拉桑》時，大唱粗口歌詞「fxxkinggood」，貫徹其壞孩子本色，而台下觀眾反應熱烈。尾聲時，Eason再度上台和張震嶽及楊乃文一同演出，觀眾席上空更跌下巨型氣球，現場fans把氣球傳來傳去，掀起全場高潮。
事後Eason接受訪問說：「我哋各自都有合作過，好似我做過張震嶽演唱會嘉賓，不過就未試過三個人一齊演出，好好玩。」張震嶽也表示尾聲時現場氣氛很熱鬧。
呻好友齊倒戈
接着Eason插嘴投訴說：「我要講一句，我身邊好多好朋友想睇呢個騷，但搞到我好失望，因為佢哋係想睇張震嶽同楊乃文。」Eason又自爆當年在華星時，很希望加入張震嶽及楊乃文的唱片公司，這樣大家便有合作機會。
採訪：藍文浩
攝影：陳俊強
