毒奶風暴吹襲香港後，一向不愁衣食的中產家庭也大感頭痛。Ada一向不讓兒子鈞賢進食內地品牌的食品，卻沒有留意家中的雀巢奶粉及零食大部份都是內地製造。毒奶事件爆出後，鈞賢被迫捨棄最愛的零食，連奶也不准喝，改吃提子亁甚至以鈣片補充營養。Ada和丈夫喝的Lipton奶茶也要丟掉，一家人轉投外國貨懷抱，食品開支上升一成。
選購註明產地食品
3歲的鈞賢間中喝雀巢奶粉，半歲至1歲曾進食本報昨日驗出含三聚氰胺的雀巢嬰兒米粉奶米，Ada擔心地問記者有關含量水平，「佢以前每逢出街嗰日，就會食呢隻奶米，食到1歲為止，擔心佢食咗有事」，至於鈞賢最愛吃的固力果餅亁條，也被驗出含三聚氰胺。
「大陸嘢唔係今時今日先有事，呢排犀利咗，入侵埋小朋友。本來見蒙牛信譽幾好，想畀個仔試吓，點知啱啱撞正三聚氰胺事件，好彩佢未飲！」鈞賢最近喜歡喝台灣製的羊奶，但為安全起見，已禁止他再喝，「點知原材料係咪大陸嚟，食安中心冇驗到呢隻，唔敢飲住。我成日上網睇，政府驗得好慢，我隔幾日就驚一驚。」
丈夫任職工程界的Ada說，以前選購食品只避開內地品牌，沒有想過國際品牌也在內地製造，現時只會選擇外國品牌，不敢選購標籤沒有註明產地的食品。
不滿驗腎預約措施
Ada一家居於粉嶺，曾到北區醫院嘗試為兒子預約驗腎，「點知要我帶埋個仔去排，又唔知等幾多個鐘。」她促請政府設電話及網上預約，疏導醫院擠逼人潮。
本報記者