陳慧琳與劉建浩萬眾期待的童話婚禮，前晚圓滿結束，一對新人邀請曾志偉和林曉峰（阿Lo）為婚宴擔任司儀搞氣氛，證婚人則是Alex任職律師的表哥。
搬椅子上台坐
Alex表哥更大爆一對新人的情史說：「第一次見，係我同Alex同佢姐姐去宿舍探Kelly，佢哋好高，拍拖好引人注意，記得Kelly未入行，有次大家去銅鑼灣，忽然唔見咗佢哋，後來發現佢哋喺人群中相擁，但Kelly入咗行就冇呢啲情況發生。」
當新人宣讀誓詞時，不諳中文的Alex要講關於逆境和貧窮的字眼，阿Lo即開玩笑說：「Kelly教得Alex好，佢唔明係乜嘢都跟住Kelly。」新人交換戒指後，親友便上台大合照，陳父講演詞時邊講邊喊，為鎮定情緒，後來竟邊講邊飲酒。陳父謂Kelly在圈中竄紅時，朋友都讚他很叻，但他卻自嘲說：「我恰恰哋，我要介紹Kelly媽咪，佢又叻又靚，Kelly後天都好努力。今晚個騷做得好好，多謝Alex。」感人之言令雙方家人都哭個不停。
到Alex上台講愛的宣言時，他先要謝謝當媒人的姊姊，可能不慣面對賓客，緊張的他說到一半，要搬椅子上台坐下才可繼續，他強忍淚水說：「其實世界有好多人，人揀你，你揀人，唔係咁易知邊個係你嘅最愛，拍拖第一年會唔知，但同Kelly咁多年感情，大家都咁好，有好多開心。」
志偉醉走後門
此外，曾志偉身為婚宴司儀，大半場後卻不勝酒力，藝人賓客中只有他醉到不省人事，要躲在一旁睡覺，據知志偉最終要由友人抬他從後門離開。Kelly的伴娘黃欐堯（Celia）說：「花球俾一個台灣朋友搶到，一對新人婚宴上唔係飲好多。」