讀書時學過「一雨成秋」呢個詞，但天氣反常，踏入10月香港仍然打風，天氣仍然悶熱，秋意欠奉。天氣唔轉凉，即係換唔到季；不過可以慳番唔少，況且呢個秋冬嘅時裝潮流亦冇乜驚喜。
講起驚喜，唔少人都覺得今季英超3支升班馬都畀到人驚喜，特別係啱啱爆冷擊敗阿仙奴嘅侯城。不過個人對呢支老虎球隊有所保留；因為佢哋季初主場俾韋根大數5:0嗰場，表現真係好差。
嚟緊禮拜日佢哋就會對仍未喺聯賽開齋嘅熱刺，熱刺就算點冇form，人腳始終好啲；一於追熱刺開齋，唔得咪當送佢哋嘅領隊拉莫斯一程囉！
主客和：熱刺勝
心得：送拉莫斯一程
近5場往績：WDWLW
吾中
買嘢講名牌，但賭波一定唔會做名牌奴隸嘅大聯盟女神。