MichaelJackson攞過18屆格林美獎、擁有13首冠軍單曲、全球總銷量累積7.5億，歌聲與舞姿跨越六十至千禧年代，到九十年代後期爆出多單負面新聞，傳媒一沉百踩，聲勢大減。來到08年，以為MJ只淪為整容代名詞，誰知跟一眾八字頭說起，竟然大把人覺得廿年前的MoonWalk勁潮！
記者︰黃家欣
攝影（訪問）︰陳盛臣、王文忠
Fansshowoff
今年才廿幾歲的Melody迷上MJ已十幾年，最瘋狂時每星期都流連英皇中心、東方188的舊唱片、精品店搵MJ黑膠碟、海報，連老闆都認得她，一有新貨就通知她。多年來咪熟晒MJ自傳及專訪，有關MJ的傳聞，她可謂詳盡過維基百科。
93年暑假讀中四的Melody無意中睇到爸爸錄的MJ演唱會錄影帶，自此便瘋狂迷上，「那時只去過許志安的miniconcert，完全無諗過一個演唱會可以玩到咁，煙花效果靚到不得了，舞蹈同音效同樣好震撼﹗」那盒錄了MJ《Dangerous世界巡迴演唱會──羅馬尼亞》的影帶，被Melody翻看了數十次，每次仍然睇得津津有味。後來開始尋回MJ以往表演的影碟來看，她去影視店租了一隻早期由Motown唱片公司出品的專輯《MichaelJacksons…TheLegendContinues》，睇完唔捨得還，竟然續租了幾十次，最後忍唔住向老闆問價求讓，對方開價$300，當時還是中學生的她捱了一個星期熱狗，儲起午飯錢來買回珍藏。「呢隻碟記錄MJ由Jacksons5到TheJacksons及早期solo的表演，相當珍貴。睇完Jacksons5就更加覺得MJ是個天才，5歲已經能歌善舞，是天生的表演者。」
寧願佢唔好再表演
唱片公司上月底為50歲生日的MJ推出紀念大碟，舉行全民公投，六千多人投票選30首經典金曲輯錄成香港特別版。Melody的心水亦有入選，「我最鍾意《Thriller》，入面每隻歌都係最愛，《Thriller》的MV，MJ變人狼一幕極深刻，由化妝到電腦特技效果都做得好仔細，一個MV居然有電影級的製作水準，嘆為觀止﹗」紀念大碟內九成是MJ早期作品，其實自01年起的《Invincible》已開始跌watt，Melody也?「《Invincible》開始佢加入流行元素，例如電子，無晒MJ風格！」對於偶像有意東山再起，Melody竟有所保留，「我擔心佢體力應付唔到，始終年紀唔細；而且佢整容個樣又真係有點怪，跳舞要流咁多汗，化妝可能抵受不住。如果佢再出來會影響以往的印象，我寧願佢唔好再表演了﹗」
珍藏總值唔敢計
Melody應要求帶來部份MJ收藏品，要三張枱面才鋪得晒，連自己都唔敢計花在MJ的總支出。當中一個會發聲及跳舞的MJfigure公仔最貴，「睇雜誌見到，專登去信和買，個公仔成七百蚊，對當時仲係學生的我來說實在很貴，最後死慳死抵零用錢來買。」雖然屋企沒有黑膠唱盤，但她都一樣照掃黑膠碟，「呢隻日本版的彩色黑膠碟，兩面都印了MJ圖案，雖然聽唔到，但都是我最愛之一。」用$800買了一隻有得睇無得聽的黑膠碟回家，都一臉滿足，可見她中MJ的毒有幾深。
陳偉霆紐約學MJ舞
明眼人一睇就知陳偉霆（William）新歌《Taxi》的造型來自MJ，原來William都係MJ的超級fans，自細受媽媽薰陶，15歲開始自學練成MJ舞步，媽媽經常要他在人前表演，自己亦去參加不少跳舞比賽，更憑MJ的《Dangerous》贏得新秀冠軍，到後來加入英皇，還有機會去紐約正式學藝。「我學的叫NewStyleHipHop，是一種源自MJ的舞蹈，JustinTimberlake都跳呢隻舞，他也是MJ的fans！」所以William的舞蹈風格甚有偶像影子，他還打算開concert向MJ致敬。至於最愛的MJ歌曲，William選《BillieJean》，「《BillieJean》除了精采的MoonWalk之外，成個造型，包括手襪、帽，都非常有型。」而《RemembertheTime》的MV則最難忘，故事講埃及國王出盡法寶取悅老婆，「估唔到MV都要做咁多戲，仲有埋魔術，成個表演好好睇！」
他口中的無價寶，是一套由唱片公司送贈的派台碟，全部都未開封，「我唔會拆開㗎，有錢都買唔到。」
晒珍藏贏MJiPodnano全球限量100部
如果你都有收埋比會郁的MJfigure更特別的MJ珍藏品，快啲拿出來公諸同好，拍下照片然後電郵至mailto:[email protected]，註明「Yahoo!Music×MJTheKingOfPop珍藏品」，擁有最特別MJ珍藏品的，就有機會贏取全球限量100部的MichaelJacksonTheKingOfPopiPodnano。
截止日期︰08年10月19日
網址︰ http://hk.music.yahoo.com