曹格終於承認女友吳速玲喺8月21日為佢生咗囝囝曹三豐，佢就未同女友註冊結婚，仲話第一個知道佢做咗爸爸嘅人係羅志祥。日前曹格接受訪問時送上滿月蛋糕，佢開心展示囝囝嘅相畀大家睇，佢個仔同佢一樣有個大鼻。另外，曹格自爆出於好奇心，同囝囝爭飲母乳，講到呢個話題，佢表現得好興奮。