台灣實力派歌手陳綺貞噚日去咗中環搞祝捷會，因為佢下個月嘅演唱會短短兩日就賣晒飛，大會仲即場宣佈佢明年會喺紅館開演唱會，真係可喜可賀。陳綺貞自己都話今次嚟香港本來都係宣傳音樂會，點知啲飛一早賣晒，所以變咗祝捷會，仲話咁快知道可以去紅館開騷係一個大驚喜，因為紅館係一個好夢幻嘅場地喎。