今年19歲的黃倩婷，曾於去年參選亞姐，當時她在港澳特區賽區中，憑其34、24、36的驕人身材為人所熟識，其後更以最後五強進入總決賽，可惜最終落敗而回，不過獲得亞視垂青，簽約成為合約藝員，早前便參與重頭劇《法網群英》演出。
嫌跑步辛苦
近日天氣漸有秋意，不過日間仍頗熱，黃倩婷坦言夏天時最愛去沙灘，她說：「以前我鍾意喺屋企嘆冷氣食雪糕，但係𠵱家配合夏天，加上又要減肥，所以會去沙灘曬太陽同游水。」她最近更愛上玩瑜伽，她說：「我以前都有跑步減肥，不過覺得太辛苦，後來發覺玩瑜伽都幾好，所以會約埋曾敏一齊做。雖然我哋唔係同一屆亞姐，不過合作多咗，好多時都會約埋一齊，大家變咗做好朋友。」
採訪：何慧斯
攝影：葉君海
髮型及化妝：TavinHoofBeautyTech