吳卓羲嘅緋聞女友黃瑩噚日出席無綫嘅10月星辰活動，雖然14號先係佢生日，不過黃瑩已經安排好節目，正日生日會同屋企人慶祝，佢仲會提早搞一個party同成班朋友玩。講到吳卓羲有冇份參與時，黃瑩就話未通知佢。至於生日願望，黃瑩話希望快啲搵個穩定男友，提到同吳卓羲嘅緋聞，佢笑得好甜咁話唔知，但好快又否認戀情。