日本動畫歌手下川美娜昨日在旺角朗豪坊舉行迷你演唱會，吸引超過200名fans到場，仲齊齊舉起海報同CD為偶像打氣，下川演唱嗰陣fans不但一齊合唱下川唱嘅日本動畫歌，仲好清楚下川嘅所有嘢，好似佢最鍾意嘅動畫係自己有有份唱主題曲嘅《驚爆危機》（FullMetalPanic），中場個個fans仲爭上台同下川玩遊戲合照，真係當正佢係女神。