台灣天后張惠妹，噚晚喺四川成都體育中心舉行演唱會，自今年5月汶川發生大地震後，呢個算係成都首場大型戶外演唱會。小瑪歌知道阿妹好有心，特別捐出5000張飛，邀請賑災期間參與嘅義工嚟睇騷，阿妹仲打算喺場騷帶領歌迷祈福。阿妹嘅經理人陳鎮川話賣飛情況唔錯，聽講仲有假飛流出，擔心會延誤入場時間。