【東莞直擊】管家仔林峯憑《溏心風暴之家好月圓》成為今年視帝大熱，在黃金周也搏命𢱑銀，到內地巡迴剪綵14場，每場更會為一名女fans戴鑽戒。雖然如此，由於他未能出席台慶亮燈儀式，為怕聲勢受壓，林峯謂會盡量抽空留港爭取曝光率。
林峯憑《溏心風暴之家好月圓》人氣急升，帶來不少賺外快機會，本周一他到東莞替兩間六福珠寶剪綵，吸引過千市民圍觀，造成交通擠塞，現場觀眾不斷嗌「管家仔」，足見他的角色在內地同樣受歡迎，他表示今年《家》劇效應，令他受歡迎程度大增。
戴14次鑽戒
林峯今年第二年替珠寶店剪綵，一連在內地不同地方為14間分店任剪綵嘉賓，其間跟觀眾玩遊戲，又為一名女fans戴鑽戒，林峯說：「因為14場剪綵，會為14個女fans戴戒指，我初戀都有幫女友戴過。」何時為真命女友戴婚戒？林峯說：「好渴望，我好鍾意家庭，但唔知幾時成家立室。」
對於今年視帝之爭，林峯曾揚言恨攞獎，但競爭對手眾多，陳豪也加入戰團跟他與夏雨爭獎，問林峯在內地巡迴剪綵，未能出席台慶亮燈儀式，可會感到聲勢受壓？他說：「冇法啦，呢個係幾個月前傾落嘅工作，公司都知道。」對於陳豪加入競逐視帝，林峯說：「我知道，兩位都係我認同嘅前輩，其實對手都唔止《家好月圓》演員，之後會盡量抽時間留喺香港爭取曝光。」
採訪、攝影：曾小嘉