今年國慶黃金周，樓市都好難好似舊年咁旺。據大陸《新快報》報道，單係廣州嘅情況已經唔樂觀，雖然新樓供應同舊年差唔多，約推出2.4萬個單位，但係家陣重點唔係有幾多供應，而係有幾多人敢買。
團費398元起
呢個黃金周，發展商連搵客、睇樓都有難度！一般嘅折扣、老業主介紹新客優惠，已經吸引唔到新客睇樓。單係睇樓大家梗喺冇乜興趣，發展商於是喺樓盤展銷度搞活動，報道話，有發展商搞咗個一日團，推出「天價豪宅遊」，將樓價近億銀、喺湖景區兼有高爾夫莊園嘅豪華別墅，當做景點畀人入去玩一日，團費由398蚊至498蚊人仔，活動包括親子推捍練習、魔術表演、尋寶遊戲同埋喺豪宅度晚宴，結果有成百幾人報名。發展商話，呢啲活動可以提高樓盤形象。