童愛玲、羅霖、汪圓圓和AmandaS.昨日在中環國金二期出席護膚品牌Ultima活動，童愛玲透露外婆早前在台灣因乳癌去世：「婆婆舊年89歲驗到生乳癌，90歲就過咗身，所以𠵱家我要成日返台灣陪外公，因為外公同婆婆一齊都成六、七十年，感情好深。」
「好彩係良性」
童愛玲表示也因此作詳細身體檢查，她說：「我都驗咗，發現右胸有0.2mm瘤，不過好彩係良性，之前一直冇發現，都係因為婆婆個病先去驗，𠵱家會半年檢查一次，醫生都叫我食少啲牛奶同芝士，老公都好擔心。我會保持心情好，咁會少啲病痛，所以婆婆都係咁大年紀先發病。」此外，羅霖透露有不少護膚贊助，她說：「年中都慳過百萬，可以拎啲錢去買手袋同衫，用完之後再拎去二手店賣，相當英明消費。」採訪、攝影：顏英儀