香港大學喺新學年收咗2,747名非本地一年級生，較上學年增加15.3%。撇除內地嘅學生，今年60名非本地生來自24個國家地區，港大話係朝國際化跨進一大步。
丹麥學生SteffenLarsen就話，香港國際金融中心嘅形象係吸引佢留學嘅原因。抵港前佢用上整整一年時間喺金融市場實習，20歲仔已經喺經紀行替顧客搞股票及債券投資，仲試過一次過幫個客投資成1,500萬港元嘅資金。對於金融海嘯，佢更一啲都唔擔心，話金融市場有升有跌係正常現象。
來自喀麥隆嘅DesmondWeshebiTakiwi專誠到香港讀電子及通訊工程工學學士課程，他坦言家鄉嘅工程項目，幾乎大部份人由中國人負責，所以佢要嚟中國地方升學，仲有意喺完成三年學士課程後，繼續留港讀碩士。