《蘋果批Online》逢星期一、三、五晚上九時開騷Click入http://pie.appledaily.com收看歡迎透過web-cam即時發表意見
或致電29908648安排親身上場
電郵：mailto:[email protected]
網誌：http://pieatapple.wordpress.com
金融海嘯幾個主因，包括美國政府對樓市嘅政策、政府支持機構「兩房」催谷按揭證券化，以至近年引入嘅好多監管規條，都鼓勵咗「貪婪資本家」去冒險，但好多人反而覺得今次係「市場失敗」，雷鼎鳴教授同《蘋果批》分析箇中原因……主持：楊卓華 高明輝
1
雷：
好多人將資本家同自由市場機制混淆咗，市場機制唔等同資本家……今次金融風暴期間，資本家同埋政府兩方面都係有相當唔負責任嘅地方。以資本家嚟睇，我認為最大錯失就係CDS（信貸違約掉期合約），或者CDO（等結構產品）……將保險按揭證券化咗之後，賣畀投資者，而佢賣出去時，有好多人並唔知道係保單，變咗個信息非常唔透明……金融機構變成一種可以無限量發行CDS嘅機構，佢甚至可以賺中間人嘅手續費，究竟有冇能力承擔風險其實唔係好關佢事，因為佢可以賣晒出去。
CDS呢類衍生工具，結構異常複雜。但監管銀行資本充足比率嘅BaselII，就特別容許銀行透過類似CDS呢類保險安排減低資本儲備，正因為呢個「優質監管」，令到CDS涉及嘅範圍進一步擴大。
雷：就好似毒奶粉，所含（三聚氰胺）量，可能唔係好大……但問題係過程中佢撈埋喺好多嘢入面，每一個產品，就算買粒白兔糖都有啲咁嘅嘢，係咪會致命？我諗唔會話咁快致命……同樣，通過CDS撈埋落去嗰啲貌似正常嘅金融產品，一般人唔係好知，你買咗之後如果大家唔驚就照樣賣，照樣揸住……但只要（問題）一擴散咗，咁大家都會問，「我究竟有冇揸過啲嘢呢？」
2
美國政府計劃用7,000億美元救市，做法惹起好大爭議，你點睇？
雷：美國嗰種做法……（有人質疑）會益咗某啲犯錯誤嘅人，同埋道德風險係咪繼續存在，有人話唔應該救，做乜要用納稅人嘅錢，補貼華爾街大鱷？種種質疑，睇到美國今次救市係咪咁有效矯正錯誤，呢個係有啲懷疑。但係政府有啲嘢係要做，因為牽涉到信貸，個個驚手上揸住毒資產，個個唔敢郁。好似毒奶粉咁，個個唔夠膽飲奶，政府拎啲嘢去檢查，檢查係咪個個產品有毒，呢個係好正當嘅一種功能。
3
咁今次金融海嘯有冇動搖你對自由經濟嘅信念？
雷：市場機制作為分配資源嘅工具，喺經濟學上已經有定論，喺冇界外經濟或者冇公共財嘅條件之下，冇任何一種機制比競爭市場機制係更加有效率……（但）有三大來源（令市場）經常被扭曲，最大嘅來源係政府。除咗政府，仲有勞工界……（第三方面是）市場機制絕對唔等如資本家……《SavingCapitalismfromtheCapitalists》嗰本書就舉咗好多例子，講自由市場點樣受資本家操控，令到最後根本唔係自由市場。
