現年46歲的關之琳宣佈退出影壇後，前晚盛裝重臨十多年沒去過的ball場，風光領獎，悠悠閒分享其七成時間享受人生的樂事。同場仍在搏殺期、現年25歲的蔡卓妍（阿Sa），孤身上陣，捱到經期紊亂，荷爾蒙失調，藝人風光、悽慘頓見對比。
關之琳、蔡卓妍、梁詠琪、羅嘉良、任達華等，前晚在灣仔出席仁愛堂的「傑出演藝仁愛夜」，獲大會頒發傑出愛心演藝大獎。
久未露面的關之琳，以黑色背心裙亮相，她直認多年無踏足ball場，她說：「冇去，十幾年冇去過，今日好特別，因為同主辦單位熟，又有獎項，所以着靚啲嚟。」她揚言被表揚心中有愧，她說：「我愛心唔夠，有啲人冇出名，默默付出，好多無名英雄，我就係拋磚引玉，我自覺唔係應該攞囉，要再努力啲。」
70%時間享受人生
宣佈退出影壇的關之琳，現時工作以廣告為主，她說：「我𠵱家由100%工作，減到30%工作，享受吓人生。」美國眾議院否決7,000億美元救市方案，香港股市近日反覆下跌，圈中富婆關之琳謂沒大影響，她說：「冇，我已經上過當，97、98年金融風暴，𠵱家分散啲，投資買樓。」
Twins得獎，但只有蔡卓妍代表領獎，拍檔鍾欣桐（阿嬌）繼續缺席。阿Sa前晚滿臉倦容，坦言一人頂住，十分疲倦，她說：「以前兩個人，乜嘢都可以傾吓，幾攰都可以互相撐住。」
「今日失好多血」
阿Sa後來自爆因勞累令經期紊亂，25歲的她說：「𠵱家唔夠休息，我今日失好多血，𠵱家啲M好亂，大量失血，一個月嚟兩、三次，𠵱家都有啲想暈，腰痠背痛，醫生話荷爾蒙失調。以前試過同一時間拍三套片都係咁，𠵱家要補血，睇西醫食緊荷爾蒙藥。」記者勸她多休息，她無奈地說：「冇呀，成日要飛，飛得太多，加上自己又偏瘦。」男友鄭中基會否很擔心？她說：「你哋幫我問吓佢囉。」
採訪：羅慧敏 攝影：黃偉雄
