近期發福的廖碧兒昨日以主角身份與一眾模特兒行手袋騷，冷不防被擔任司儀的陸詩韻以一身低胸性感裙搶鏡。廖碧兒透露早前跌傷手，看跌打又要戒口，惟有食飯頂肚，相當黑仔。陸詩韻則透露享受現在的單身生活，她更準備向司儀界大展拳腳。
專賣Galliano、JustCavalli和GFFerre等品牌的配飾店PlusIT昨日在尖沙嘴開幕，廖碧兒、名模姚書軼和男友曾智超、模特兒諸葛梓岐等行天橋。廖碧兒身形暴脹發福，右臂又有一撻瘀痕，被同場拋胸任司儀的陸詩韻搶去不少風頭。
戒吃肉開齋食飯
廖碧兒透露早前跣腳跌親，她說：「之前行過shoppingmall遇到啲人打蠟，我見人人都咁行，我咪照行，點知一行就跌低，𠵱家睇跌打，要戒口、戒食海鮮同戒肉，平時唔食飯，𠵱家都要食飯『晾』住個肚。」她透露昨晚起程往北極拍攝。
同場的陸詩韻性感現身，但擔任司儀的她在台上頻頻吃螺絲，她將此歸咎於箍牙，她說：「本來7月拆得，但進度唔好，今日多謝大家體諒我，下個月會有好大分別。」她更揚言想向司儀界進發，提到她低胸做司儀，大大搶去行騷的廖碧兒風頭，她說：「唔好咁講，件衫係大會安排嘅，大家唔同look啫，我之前去馬來西亞食咗好多嘢，返嚟行番山先瘦番啲。」
陸詩韻樂得單身
之前陸詩韻與曾文能傳緋聞，但自從男方和周汶錡傳緋聞後，兩人的傳聞便不了了之，至於另一富貴緋聞男友朱明又傳被陳法蓉「撬走」，她說：「總之我𠵱家stillsingle，悠然自得啦！」
採訪：JessicaNgan
攝影：RickyIp