日本女星藤原紀香同諧星陣內智則結婚將近兩年，佢哋因為各自喺東京同大阪做嘢而成日傳出婚變，好似最近又傳有第三者介入，對方仲有埋紀香屋企嘅門匙㖭。原來呢個第三者就係扮松浦亞彌扮到出晒名嘅變性人春菜愛。據知佢哋非常老友，甚至會撇甩陣內齊齊去浸溫泉，雖然春菜愛已經變性做女人，不過話晒做過男人，難怪陣內會呷醋。