傳統里約熱內盧勁旅富明尼斯，今屆聯賽戰績跌至榜尾，周三迎擊戈亞斯更有國腳中堅堤亞高施華停賽，難得巴甲「大」有1.85倍，實屬首選。富明尼斯唔博冇得留低，讓平/半都向上盤埋手。
富明尼斯季初專注南美自由盃戰線，結果只得亞軍而回；當重返聯賽力圖收復失地時，中場核心巴西國腳堤亞高尼維斯又轉投漢堡，使他們現排榜尾。
富明尼斯護級心切
近6場不勝的富明尼斯，可幸上仗打吡戰完場前憑艾卡路斯建功，作客迫和保地花高1:1，總算挽回不少士氣。然而，主隊今役有後防大將堤亞高施華停賽，料失球數字會更多；但同時基於冇得再守關係，必搶攻爭勝求護級。
客軍戈亞斯是近期最當銳球隊，聯賽錄得5連勝，但宜留意有4戰是於主場所得，而今季作客成績僅3勝3和7負。不過他們有箭頭伊亞雷及保羅拜亞腳風大順，相信會與主隊演入球騷。
富軍暫27戰得26分，但與17至19位的波圖基沙（27分）、伊帕汀加（27分）及華斯高（26分）分數差無幾，只要擊敗戈亞斯即可暫時升上15位，主場出擊要捧。何況態沉的富明尼斯要讓平/半，水位更低至1.8倍，信上盤好路。文：畢傑
星期三12
富明尼斯vs戈亞斯 3：2
半全場：主/主
盤口：富明尼斯讓平/半
讓球：上盤