日本樂隊XJAPAN隊長YOSHIKI日前獲邀喺東京欣賞相撲選手「白鵬」嘅比賽時，因冇除鞋入場，俾工作人員呼喝。前日YOSHIKI透過事務所向相撲協會發聲明反擊，佢話屋企開和服店，絕唔會着皮靴喺榻榻米上面行，但當日記者太多，佢完全唔知除鞋嘅地方，先會發生件事。雖然佢不滿工作人員無禮，但對白鵬勝出感到開心。