陳志雲上周一與陳鍵鋒出發到冰島拍攝《冰天動地》，大前日拍攝期間遇上意外受傷，陳志雲因地面濕滑碌落樓梯，一度痛得動彈不得，記者昨日致電陳志雲，他笑說：「好似《家好月圓》嫲嫲（李香琴）碌落樓梯咁，初時我以為冇乜大礙繼續拍攝，點知到夜晚膝頭腫到豬蹄，痛到行唔到，胸口又好痛，後來工作人員買咗隻消腫同止痛藥畀我食，𠵱家冇乜大礙，遲啲返香港先至再睇醫生。」
廖碧兒等睇北極光
此外，廖碧兒前晚起程到格陵蘭與陳志雲會合拍攝《冰天動地》，她說：「今次要轉4程機，去到冰島仲要搭直升機，大約去十幾日，當地天氣大約零下十幾度，所以我帶咗好多厚衫褲，今次我仲有機會睇到北極光㖭。」
採訪︰林妃、張俊銘
攝影：陳志嵐