花旗嗰邊嘅救市計劃傾掂數，將會喺國會拍板，但又輪到歐洲啲銀行唔掂，搞到噚日港股氣氛好差，成交雖然好奀，恒指仍要插低801點。雖然話噚日期指結算，但港股跌幅咁大，都係唔多妥。
滙豐銀行加新造樓按息率半厘，對地產股即時有影響，而長實（001）突然賣咗兩幅地皮，股價大成交插落，走勢認真麻麻。
長實P輪2147：長實昨收87元，好接近早排嘅低位，睇嚟插穿86元嘅機會好大，股價或者要下試78至80元先會反彈，可以諗吓隻P輪2147。
隻輪昨收17仙，槓桿率5.1倍，有效槓桿3.3倍，正股跌至78元，2147可見23.6仙，正股升破92元，就沽咗隻輪止蝕。
俊樺