因工作關係，經常要在旺角左穿右插。有次無意間發現了譚仔雲南米線，其實從朋友口中早已聽過這店的大名，聞名不如見面，平日晚上已經常見到大排長龍，於是找機會試一試。要食譚仔米線，首先要知道自己食得幾辣，這裏的湯底由輕量級5小辣到大辣，所有材料都用湖南、四川同貴州辣椒所製。雖然我自問唔算食得辣，美食當前我始終受唔住引誘，斗膽挑戰3小辣，結果最後都係扯白旗投晒降。
來「譚仔雲南米線」吃飯，必叫土匪雞翼和過橋米線套餐。前者雞翼表面沾上少許黑椒，雞皮亦非常鬆脆，咬落厚身仲會有雞油流出，辣得相當惹味。過橋米線套餐抵食兼大碗，平常點米線要在菜單上左揀右揀，叫套餐便沒這個煩惱，已包含了豬肉、牛肉和雞肉等等17樣餸，份量很大，兩個人Share都嫌多，以$39來計算，認真抵食亦非常滿足。
譚仔雲南米線（23946899）
旺角西洋菜街101號地下、一樓、二樓