陳法拉、AnaR.和LisaS.等昨日在又一城行騷，因演出無綫劇《溏心風暴之家好月圓》而密密出騷的陳法拉，趁美國樓市疲弱，以過百萬港元在美國買樓置業。不過，收入豐厚要交逾10萬元稅，令她頻呼震驚。
本地品牌Moiselle昨日在又一城舉行秋冬時裝騷，一眾代言人如蔡少芬及黎姿等未有現身，卻見陳法拉打頭陣兼壓軸出場，由名模LisaS.、AnaR.伴着謝幕。問她可是繼蔡少芬和黎姿之後擔任代言人？陳法拉說：「未有呀，不過今日酬勞好好，《家好月圓》帶挈我多咗好多job，今個月收入大增。」
交逾10萬元稅
陳法拉收入豐厚，她趁着美國房地產疲弱，在美國置業，她說：「我喺美國買咗間屋畀父母住，七位數字港紙。𠵱家美國啲樓平，首期畀咗一半，將來供樓冇咁大壓力。」收入增加，交稅數字豈非也大增？陳法拉說：「都好驚，啱啱收到稅單，好得人驚，要六位數字，冇諗過要交咁多錢！」
超盈男友拖女
陳法拉將與李香琴、楊怡和徐子珊等爭奪今年台慶的最佳女配角獎，她說：「要月底先知真正提名，我去年都攞咗，不過都恨㗎，但係邊個攞到都咁開心。」
另外，Moiselle太子爺、賭王千金何超盈的緋聞男友陳柏熹（Harris），也早早在場打點，更不避嫌拖着一名女伴，該女伴原來是《同事三分親》女角岑潔儀，問Harris她可是其女友？他說：「我唔知道喎，其實係朋友嘅朋友。」
Harris透露下周離港返英國讀書，並表示也有掛念超盈，他說：「佢生日我都有打電話畀佢，做番朋友做嘅嘢，都有準備禮物，但返到英國先送畀佢。」
採訪：JessicaNgan
攝影：ChanChiLam