米雪日前接受港台節目《舊日的足跡》錄音訪問，佢話如果憑《家好月圓》嘅紅姨角色攞到視后係一個鼓勵。 至於男友尹志強近日嘅健康情況令人擔憂，佢再三強調尹佬瘦嘅原因係後遺症，絕對唔係癌症，米雪又話：「結婚嘅事遲啲先，我希望日日都談戀愛，享受𠵱家嘅生活，珍惜大家嘅日子，我想同佢（尹佬）講要好好錫我、好好照顧我。」