大市近期出現急跌後，經常有救市利好消息刺激，反彈得相當急，要追貨唔容易，唔少散戶事後都有點怪自己動作太慢，或太受市場氣氛影響而無膽入市低吸，錯失了博反彈良機。
其實，熊市就係咁，大市升跌無序，散戶入市部署應該係趁低吸納優質股，只要你認為選對股份，又有能力承受一定風險的話，啱價就應該買入作中長線投資，其間指數升跌有時不必太在意。
重慶機電可留意
好似今年6月以每股1.30元招股上市的重慶機電（2722），星俠認為係受市況波動而被低估的股份，近個半月該股在0.60元水平橫行，似有見底迹象，可考慮買入作中長線投資，以重返招股價為目標。
重慶機電上半年盈利升46%至2.74億元人民幣，集團毛利率未因鋼材及銅價上升而有影響，反而上升0.4%至18.3%，實屬難得。
方星俠