自由黨今次直選全軍盡墨，好多人歸咎冇做好地區工作。幾年前做過自由黨總幹事嘅史文鴻，喺04年田少高票當選最風光之時，就提出該黨必須面向群眾，否則被勝利冲昏頭腦，以為自己真係政治明星，勝利只會曇花一現，「早就預咗佢哋輸，估唔到輸得咁慘。」
史佬同自由黨不歡而散係公開秘密，佢同八方傾起當日提出搞黨組織建議都不被接納時，仍然一肚火。史佬總結在富豪黨的日子，「毫無遠見，只係一班資本家聚埋搵利益。」自由黨內有人建議放棄直選，史佬不以為然，因為政黨參加直選方為王道，「只玩間選，只會繼續縮水，變成小圈子利益集團。」
佢話整個黨改朝換代唔一定係壞事，但唔好指望四年後有成，「最少八年先有可能東山再起。」史文鴻𠵱家長居台南，係崑山大學教授。